KALENDARI I AKTIVITETEVE

Brownbag Seminars "Cilësia në edukimin juridik, bazë për reformën në drejtësi"

Idlir Peçi: Cilësia në edukimin juridik, bazë për reformën në drejtësi Në kuadër të ciklit “Brownbag Seminars”, zv. Ministri i Drejtësisë z. Idlir Peçi ishte i ftuar nga klubi studentor “Bedër Law Academy” në një leksion të hapur ku ndau me studentët dhe të pranishmit pikëpamjet rreth “Reformës në Drejtësi” “Reforma në drejtësi është një nga sfidat më të rëndësishme që kërkon përkushtim të vazhdueshëm të të gjithë aktorëve”- tha zv ministri gjatë prezantimit të ecurisë së deritanishme të kësaj reforme dhe të institucioneve që janë pjesë e saj. Ndër të tjera z. Peçi u shpreh se për reformimin e strukturave në drejtësi nuk është i domosdoshëm ndryshimi i individëve, por ndryshimi i sistemit në tërësi, dukë filluar që nga edukimi juridik, i cili është baza e mbarëvajtjes së marrëdhenieve juridiko-shoqërore dhe duke vazhduar më tej me ndryshimet institucionale. Në të njëjtën kohë, z. Peçi vlerësoi Shkollën e Magjistraturës si një nga institucionet model në vendin tonë duke përmendur cilësinë që garanton ku së fundmi i është shtuar edhe kërkimi shkencor. Aktiviteti vazhdoi më tej me pyetje të shumta nga të pranishmit ku nuk u la pa përmendur as reforma në sistemin e burgjeve në Shqipëri për të vijuar me eksperiencat e shumta profesionale që zv ministri ndau me studentët.

03
NËN

Konkursi JESSUP në Washington, SHBA

Një ekip studentësh nga Departamenti i Drejtësisë në Universitetin "Hëna e Plotë" (Bedër) fituan të drejtën për të marrë pjesë në një nga konkurset ndërkombëtare më prestigjoze në fushën e drejtësisë. Ekipi i përbërë nga studentët Anisa Kolgjini, Ermira Shkreta, Emsal Ajredini dhe Armando Sina do të përfaqësojnë Shqipërinë në fazën finale të konkursit "Jessup" që zhvillohet në Washington DC. Ndonëse kjo garë zhvillohet prej 55 vitesh, është hera e parë që Shqipëria përfaqësohet në raundet ndërkombëtare të "Jessup". Konkursi i stimulimit gjyqësor të së Drejtës Ndërkombëtare Filip C. Jessup, i njohur edhe si Jessup është konkursi më i madh dhe më prestigjioz në botë, duke tërhequr pjesëmarrës nga mbi 600 Universitete në më shumë se 90 vende në vitet e fundit. Konkursi është një stimulim i një mosmarrëveshjeje imagjinare ndërmjet shteteve përpara Gjykatës Ndërkombëtare të Drejtësisë. Konkursi është emëruar pas Filip Jessup, një ndër ish-gjyqtarët e GJND. Ky konkurs është i organizuar nga Shoqata e Studentëve të së Drejtës Ndërkombëtare. Vendet përfaqësohen nga një ose më shumë skuadra në raundin ndërkombëtar, White & Case të konkursit Jessup, në varësi të numrit të ekipeve që kanë hyrë në konkursin kombëtar. Si rezultat, shumica e shteteve organizojnë konkurse kombëtare për të zgjedhur ekipin më të mirë, i cili do të vazhdojë në garën ndërkombëtare në Washington DC. Raundet finale zhvillohen në anglisht. Një nga arsyet kryesore për prestigjin dhe popullaritetin e Jessup-it është kalibri i studentëve që garojnë në nivel ndërkombëtar. Në kohën që ekipet arrijnë në Washington DC, konkurrentët janë të njohur me parimet themelore të së drejtës ndërkombëtare, institucionet ndërkombëtare dhe procedurat. Përveç kësaj, studentët kanë një zotërim të jashtëzakonshëm të çështjeve gjyqësore të së drejtës ndërkombëtare, si dhe ngjarjeve aktuale. Konkurrentët pritet të kenë njohuri gati enciklopedike në lidhje me çështjet përkatëse (si të ICTR, ICTY dhe rastet e ICJ), si dhe materiale dytësore nga autorët kryesorë të së drejtës ndërkombëtare. Ekipet që vazhdojnë në raundin ndërkombëtar në Washington DC konkurrojnë gjatë tre ditëve në debatë paraprake. Ekipet me pikët më të larta në total vazhdojnë në raundet me tridhjetë e dy, gjashtëmbëdhjetë, raundet çerekfinale, gjysmëfinale dhe finale. Përveç debatit, konkursi shënohet edhe nga aktivitete të tjera sociale të tilla si Announcement Party, ku deklarohen fituesit e raundeve të para, Mbledhja e Studentëve të së Drejtës Ndërkombëtare, Diskutimi i Kompromisit (çështjes gjyqesore mbi të cilën zhvillohet konkursi), Dessert and Dance Party. Balloja Go Nation, është një event ku pjesëmarrësit nga të gjitha vendet e botës vijnë me veshjet e tyre kombëtare. Galaja finale dhe Debati i kundërt Jessup shënojnë fundin e konkursit.

26
SHK

Leksion i hapur; Arbitrazhi ndёrkombёtar dhe shteti shqiptar’

Departamenti i Drejtësisë pranë Universitetit “Hёna e Plotё” (Bedër) organizoi leksionin e hapur me temё ‘Arbitrazhi ndёrkombёtar dhe shteti shqiptar’. Studentёt e programit bachelor dhe tё programit master nё drejtёsi u njohёn nga afёr me rolin e Avokaturёs sё Shtetit Shqiptar, tё pёrfaqёsuar nga avokati i shtetit, Armer Juka. Gjatё leksionit u fol mbi praktikёn e arbitrazhit dhe tё instrumenteve kryesore pёr zhvillimin e tij. Gjatё leksionit av. Juka u shpreh se hapja e shteti shqiptar karshi investimeve tё huaja dhe tregut ndёrkombёtar privat ёshtё shoqёruar me shumё sfida tё karaktereve tё ndryshme, nё lidhje me respektimin e kontratave tё nёnshkruara qoftё nё pozicionin e kontraktuesit si shtet nё fushёn e investimeve, ashtu dhe si aksionar nё fushёn e shёrbimeve tё ndryshme. Arbitrazhi i investimeve dhe instrumentet juridike pёrbёnё fokusin kryesor tё leksionit dhe, nёpёrmjet diskutimit tё disa rasteve qё u ilustruan nga avokati Juka, u hodh dritё mbi strukturёn ligjore tё arbitrazhit nё Shqipёri dhe gjithashtu u bёnё shpjegime terminologjike, duke filluar nga juridiksioni deri te shtrirja e tij, si dhe ushtrimi i tij. Rasti Burimi Srl dhe Eagle Games SH.A.K - Republika e Shqipёrise (ICSID çёshtja nr. ARB/11/18) ceku nga afёr jo vetёm zhvillimin e njё çёshtjeje arbitrazhi, por edhe zhvillimin e tij nё pёrgjithёsi nё Shqipёri. Studentёt patёn mundёsinё tё bёjnё pyetje, nё lidhje me arbitrazhin nё pёrgjithёsi, por çёshtja midis CEZ dhe shtetit shqiptar krijoi debate dhe kjo nё qёllimin e pёrgjithshёm tё organizimit tё eventit, si edhe pёr tё krijuar njё mjedis shkencor sa mё pranё studentёve tё profilit juridik.