KALENDARI I AKTIVITETEVE

Promovimimi i Librit "Manuali i së Drejtës Ndërkombëtare Private të Republikës së Shqipërisë"

Departamenti i Drejtësisë organizoi promovimin e librit: “Manuali i së Drejtës Ndërkombëtare Private të Republikës së Shqipërisë”, me autor gjyqtar z. Olti Skrame. Gjatë takimit, z. Skrame paraqiti një prezantim të plotë të evolucionit të legjislacionit të së drejtës ndërkombëtare në Shqipëri dhe diskutoi metodologjinë e përdorur për të analizuar jurisprudencën e Gjykatën e Lartë. Në përfundim, z. Skrame theksoi që e drejta ndërkombëtare private në Shqipëri paraqet një rëndësi të madhe pasi numri i marrëdhënieve juridike me elementë të huaj eshtë shtuar në vitet e fundit. Z. Skrame gjithashtu foli për rëndësinë e ushtrimit të profesionit të gjyqtarit, ku theksoi specializimin e juristëve sidomos në fushën e së drejtës ndërkombëtare, pasi ka shumë potencial për vitet në vazhdim. Aktualisht, z. Skrame ushtron detyrën e gjyqtarit në Gjykatën e rrethit Gjyqësorë Kurbin. Krahas eksperiencës profesionale, Gjyqtar Skrame është autor edhe i librit “Komentar i Kodit Civil të Republikës së Shqipërisë”, i vetmi komentar në dy vëllime.

Alumni Reunion

Zyra e të Diplomuarve dhe Departamenti i Drejtësisë në Kolegjin Universitar Bedër organizuan me datë 30 Mars 2022 “Law Alumni Reunion 2022”. Aktiviteti u zhvillua në ambientet e universitetit, ku të ftuar ishin të diplomuarit dhe të gjithë anëtarët e stafit të Departamentit të Drejtësisë që kanë kontribuar ndër vite.

Pjesëmarrje në Konkursin Ndërkombëtar Jessup (2022)

Për të nëntin vit radhazi studentët e Departamentit të Drejtësisë pranë Kolegjit Universitar Bedër fitojnë të drejtën për të përfaqësuar Shqipërinë në Konkursin Ndërkombëtar të JESSUP. Këtë vit ekipi i studentëve tanë kaloi me sukses fazën e përballjeve në nivel kombëtar, ku përballë ishte caktuar një ekip nga Universiteti Epoka. Jessup është konkursi ndërkombëtar më i madh në botë për studentët e drejtësisë, me pjesëmarrës nga më shumë se 800 universitete nga mbarë bota. Raundet ndërkombëtare u zhvillua mbahen në 24 Mars – 10 Prill 2022. Konkursi konsiston në një inskenim të çështjes me të cilën grupi i studentëve të Drejtësisë, përbërë nga: Razije Hela, Sibora Çela, Efi Bilali dhe Xhenis Kllogjri do të përfaqësojnë Shqipërinë në këtë edicion të kompeticionit. Studentët janë asistuar nga trajnerët Daniel Klingenberg, Elvis Lika dhe Gentjan Skara. Të gjendur përballë gjyqtarëve të Gjykatës Ndërkombëtare të Drejtësisë, studentët do të parashtrojnë argumentat e përgatitura rreth “Case Concerning Suthan Referendum ” që përfshin tema nga imuniteti diplomatik i dokumentave, interferimi në zgjedhjet elektorale, operacione kibernetike, cënimi i sovranitetit dhe kufizimi i lirisë së shprehjes. Ekipi ka hulumtuar dhe ka përgatitur argumentet thelbësore me gojë për të përfaqësuar çdo anë të mosmarrëveshjes.

Gjyqi Simulues

Në kuadër të lëndës “Politikat Penale”, studentët e vitit të dytë të programit Master i Shkencave në Drejtësi - profili e Drejtë Penale organizuan gjyqin simulues me objekt shqyrtimin e kërkesës penale në ngarkim të të pandehurve për kryerjen e veprave penale: - “Vrasje me paramendim”; - “Mbajtja pa leje e armëve, armëve shpërthyese dhe municionit”; - “Pastrimi i produkteve të veprës penale ose veprimtarisë kriminale”; - “Prodhimi dhe shitja e Narkotikëve”. Gjyqi simulues u zhvillua me qëllim zbatimin në praktikë të leksioneve të marra përgjatë semestrit dhe përshtatjen e tyre me situatat e botës reale. Gjyqi simulues përmbante pjesën më të madhe të elementeve të një gjykimi real, duke përfshirë trajtimin e dëshmitarëve dhe dëshmive, si dhe dhënien e argumenteve përpara trupit gjykues, i cili dha verdiktin përfundimtar. Nëpërmjet këtij projekti studentët patën mundësi të vendosnin në praktikë njohuritë e marra përgjatë semestrit duke bërë te mundur integrimin e dijeve teorike me praktikën profesionale.

Seminar: “E Drejta e Shëndetit në Shqipëri dhe në Bashkimin Evropian”

Lektori i Departamentit të Drejtësisë pranë Kolegjit Universitar Bedër, PhD Denard Veshi, zhvilloi një leksion të hapur me temë: “E Drejta e Shëndetit në Shqipëri dhe në Bashkimin Evropian”. Gjatë leksionit u trajtua baza ligjore e Shqipërisë dhe Bashkimit Europian që rregullon çështjet lidhur me të drejtën e shendetit. Në vazhdim u diskutuan disa kazuse të cilat kishin të bënin me të drejtën e jetës dhe shëndetit, si dhe situatave të krijuara së fundmi në Shqiperi nga Covid 19, ku edhe studentët shpreën mendimet e tyre. Ky leksion është pjesë e Qendrës së Ekselencës së BE-së, Erasmus+ Jean Monnet Zgjerimi i Bashkimit Evropian për Ballkanin Perëndimor 610495-EPP-1-2019-1-AL-EPPJMO-CoE, implementimi i cilit bëhet dhe nga Lëvizja Evropiane në Shqipëri (EMA).

“Takim me te diplomuarit”

Departamenti i Drejtësisë organizoi një takim të hapur, ku të ftuar në bashkëbisedim me studentët ishin të diplomuarit Ardit Preci dhe Mandrit Kamolli. Ata njohën studentët me eksperiencën e tyre gjatë studimeve në Kolegjin Universitar “Bedër” si dhe me rrugëtimin e tyre pas diplomimit. Të dy të diplomuarit, tashmë në pozicione shumë të mira pune, i informuan studentët mbi mundësitë e angazhimit në projekte të ndryshme si dhe në praktika profesionale nëpër institucione. Ndër të tjera, ata dhanë disa këshilla mbi mënyrën e aplikimit në programe masteri jashtë vendit dhe përgatitjen e paketës së aplikimit për t’u punësuar në administratë publike, si dhe në organizata ndërkombëtare të vendosura në Shqipëri. Aktiviteti u pasua me pyetjet e studentëve të cilët shprehën një interes të vecantë.

Trajnim lidhur me ndihmën juridike parësore, dytësore dhe ofruesit e shërbimit

Departamenti i Drejtësisë pranë Kolegjit Universitar Bedër, në bashkëpunim me Drejtorinë e Zbatimit të Politikave dhe Administrimit të Ndihmës Parësore dhe Drejtorinë e Ndihmës Juridike Falas pranë Ministria e Drejtesise, zhvilluan me studentët një trajnim dyditor. Përmes këtij trajnimi studentët u informuan mbi: i. Ndihmën juridike parësore, dytësore dhe ofruesit e shërbimit; ii. Rolin e Klinikave të Ligjit në ofrimin e këtyre shërbimeve; iii. Mundësitë për angazhimin me praktika 3-mujore pune pranë DNJF dhe ofruesve të shërbimit. Trajnues ishin znj. Patricia Pogaçe, znj. Klejda Poçi dhe znj. Suela Qevani.

Sfido urrejtjen

Në kuadër të aktiviteteve të zhvilluara ne fushën e së drejtës në vendin tonë, studentët e Drejtësisë ishin pjesë e projektit të përbashkët “Sfido urrejtjen”. Një bashkëpunim i AMA- së me Komisionerin për Mbrojtjen nga Diskriminimi trajtojnë temën: Sfido urrejtjen! “Menaxhimi i rasteve të përdorimit të gjuhës së urrejtjes me sfond fetar në formën e denigrimit, stereotipizimit dhe stigmatizimit”. Studentët u njohën me evidentimin e arritjeve të projektit si edhe në prezantimin e Raportit të Monitorimit të kryer në kuadër të këtij projekti. Ne prezantim ishin pranishëm z. Robert Gajda Komisioner për Mbrojtjen nga Diskriminimi, znj. Armela Krasniqi kryetare e AMA-së si dhe ekspert të tjerë të fushës.