Studentët e Departamentit të Drejtësisë fituan të drejtën e pjesëmarrjes për vitin e tretë rradhazi në konkursin “Gjyq Stimulues i Gjykatës Europiane të të Drejtave të Njeriut”, të organizuar nga Qendra Evropiane dhe Civil Rights Defenders në Shqipëri.
Jeton Kalemi, Fjoralba Markja, Erisa Datja, Bruno Tetova, Ridvan Balliu dhe Migena Xhaferaj, nën udhëheqjen e lektores Ermira Bushi, ishin studentët e kualifikuar për në fazën gjysmë-finale, si 6 më të mirët pas konkurimit me universitetet e tjera në rang vendi.
Ky aktivitet kishte për qëllim simulimin e një procedure të ngjashme me atë të Gjykatës Europiane të të Drejtave të Njeriut në Strasburg, si dhe përmirësimin e aftësive praktike të studentëve për të mbrojtur përpara një trupi gjykues një çështje të caktuar.
Faza gjysmë-finale u zhvillua më datë 16 dhjetor, pranë Gjykatës Administrative të Apelit, Tiranë.
Në kuadër të ciklit “Brownbag Seminars”, Z.Lavdrim Lita, përfaqësues i shoqërisë civile, ishte i ftuar nga klubi studentor “Bedër Law Academy” në një leksion të hapur ku ndau me studentët dhe të pranishmit pikëpamjet rreth temës “Impakti i reformave në drejtësi”.
Gjatë bashkëbisedimit, Z. Lita bëri një analizë të përgjithshme të evolucionit historik të sistemit të drejtësisë në Shqipëri, duke filluar që nga viti 1912 e deri në ditët e sotme. Ai u ndal vecanërisht në shpjegimin e periudhave në të cilat janë implementuar reformat në drejtësi duke trajtuar edhe risitë që kanë sjellë në organizimin dhe funksionimin e shtetit shqiptar.
Ndër të tjera, ai theksoi rëndësinë e madhe që ka reforma në drejtësi në aspektin politik, ekonomik dhe social. Krahas kësaj, ai evidentoi dhe analizoi edhe rolin e madh që ka luajtur dhe do të luajë shoqëria civile në përgatitjen e reformës në drejtësi në vendin tonë si dhe në implementimin e saj.
Aktiviteti vazhdoi më tej me pyetje të shumta nga studentët dhe të pranishmit në lidhje me impaktin që ka patur refoma në drejtësi në sfera të ndryshme të jetës.
Departamenti i Shkencave të Edukimit në Bedër, zhvillon seancat orientuese për maturën shtetërore në lëndën e gjuhës shqipe dhe letërsisë.
Ky program synon tu vijë në ndihmë maturantëve në përgatitjen e tyre për provimin e kësaj lënde në maturën shtetërore.
Seancat orientuese do të zhvillohen nga pedagogë të institucionit tonë dhe do të ofrohen falas për të gjithë maturantët e interesuar.
Theksojmë se për tu bërë pjesë e trajnimit çdo maturant duhet që paraprakisht të bëjë regjistrimin përkatës.
Seancat e trajnimit do të zhvillohen sipas tabelës së bashkëngjitur në poster.
Për çdo informacion të nevojshëm na kontaktoni, ju mirëpresim!
Departamenti i Gjuhës dhe Letërsisë Angleze zhvillon seancat orientuese për maturën shtetërore në lëndën e gjuhës Angleze.
Ky program synon tu vijë në ndihmë maturantëve në përgatitjen e tyre për provimin e gjuhës angleze në maturën shtetërore.
Seancat orientuese do të zhvillohen nga pedagogë të institucionit tonë dhe do të ofrohen falas për të gjithë maturantët e interesuar.
Theksojmë se për tu bërë pjesë e trajnimit çdo maturant duhet që paraprakisht të bëjë regjistrimin përkatës.
Seancat e trajnimit do të zhvillohen sipas tabelës së bashkëngjitur në poster. Për çdo informacion të nevojshëm na kontaktoni!
Bashkëkryetari i Komisionit Parlamentar për reformën zgjedhore, z. Oerd Bylykbashi, ishte i pranishëm në një bashkëbisedim me studentët e Departamentit të Drejtësisë në kuadër të Reformës Zgjedhore.
I ftuar nga Klubi studentor “Beder Law Academy” fillimisht, z. Bylykbashi bëri një analizë teknike të përgjithshme të sistemeve të ndryshme zgjedhore duke përmendur avantazhet dhe disavantazhet e tyre si në kuptimin doktrinar ashtu edhe në aspektin praktik. Aspekt në të cilin ai trajtoi disa raste konkrete në mënyrë që studentët të ishin më të qartë në ndikimin që ka zbatimi i sistemeve zgjedhore përkatëse në kontekstin politik të vendit tonë.
“Në mendimin tim, reforma zgjedhore në Shqipëri është akoma më e rëndësishme se reforma në drejtësi, duke marrë parasysh situatën politike në të cilën ndodhemi” -tha z. Bylykbashi gjatë prezantimit të ecurisë së deritanishme të kësaj reforme.
Ai u shpreh se për reformën zgjedhore nevojitet një vullnet i fortë nga të gjitha palët politike që të arrihet një reformë efektive dhe për pasojë të shmangen problemet që kanë shoqëruar proceset zgjedhore gjatë gjithë periudhës së tranzicionit.
Ndër të tjera, z. Bylykbashi bëri edhe një prezantim të sfidave dhe problemeve që ka hasur në punën e tij si bashkëkryetar i Komisionit Parlamentar për reformën zgjedhore. Aktiviteti vazhdoi më tej me pyetjet e studentëve ku nuk u la pa u përmendur edhe çështja e korrupsionit e cila ka ndikuar shumë në procesin e zgjedhjeve.