KALENDARI I AKTIVITETEVE

Promovimi i librit “Të bëhesh një jurist i mirë”

Departamenti i Drejtësisë, me datë 21 dhjetor 2021 në orën 11.00, organizoi promovimin e librit “Të bëhesh një jurist i mirë” me autor Eduart Halimi. Janë të ftuar studentët e programit bachelor dhe master për të marrë pjesë. z. Eduart Halimi ka përfunduar studimet për drejtësi dhe më pas Shkollën e magjistraturës. Në vitin 2001 ka themeluar firmën ligjore “Halimi Law Firm” që ka përfaqësuar qindra kompani dhe klientë. Gjithashtu, z. Halimi është zgjedhur deputet i Partisë Demokratike për 3 legjislatura (2009; 2013; 2017) dhe ka mbajtur pozicione të ndryshme si Zëvendësministër Drejtësisë (2005-2008); Avokat i Përgjithshëm i Shtetit (2008-2009) dhe Ministër i Drejtësisë (2011-2013). Z. Halimi e prezantoi librin si një manual profesional i cili synon të përgatisë juristët e rinj për tregun e ardhshëm të punës nëpërmjet të mësuarit, të menduarit, të shkruarit dhe të folurit si një jurist i mire. Ai foli për rëndësinë e ushtrimit të profesionit të avokatit në fusha specifike, ku theksoi specializimin e juristëve sidomos në fushën e naftës, të bankave, të ndërtimit dhe të energjisë, si fusha me shumë potencial për vitet në vazhdim. Ndër të tjera, ai i njohu studentët me projektet e fundit të fondacionit “Halimi Foundation Institute”, ndër të cilët përfshihej edhe organizimi i një konkursi në formën e simulimit të gjyqeve, i cili do të zhvillohet në një nga mediat më të rëndësishme në vend. Duke vlerësuar angazhimin e vazhdueshëm të studentëve të Kolegjit Universitar Bedër në konkurse ndërkombëtare, ai i ftoi ata të bëheshin pjesë e këtij konkursi si një mënyrë për t’u aftësuar edhe më shumë nga ana praktike. Në përfundim të takimit, z. Halimi dhuroi disa kopje të librit për bibliotekën e universitetit. Studentët shprehën interes të vecantë për aktivitetin dhe librin.

Winter School on Computational Law and Cybernetics

The first edition of the Winter School on Computational Law and Cybernetics was held in Tirana on 15-18 December 2021. The three-day program focused on cutting-edge issues in the field of law and technology. This initiative aimed to create an environment where students can learn from national and international scholars, experts in the field of law and technology. Each day was made of two-hour sessions. Each session dealt with different issues in the field of law and technology and aimed to create the environment for questions and discussions between participants. The Winter School was hosted by the Department of Law, University College Bedër in partnership with SEEDIG. The Winter School was coordinated and scientifically organized by Dr. Nertil Bërdufi.

Seminar: “Menaxhimi i rasteve të përdorimit të gjuhës së urrejtjes me sfond fetar në formën e denigrimit, stereotipizimit dhe stigmatizimit”

Diskutim i hapur me temë: “Menaxhimi i rasteve të përdorimit të gjuhës së urrejtjes me sfond fetar në formën e denigrimit, stereotipizimit dhe stigmatizimit.” Nëpërmjet një bashkëpunimi mes Departamentit të Drejtësisë dhe të Shkencave të Komunikmit në Kolegjin Universitar Bedër, u zhvillua diskutim i hapur me temë: “Menaxhimi i rasteve të përdorimit të gjuhës së urrejtjes me sfond fetar në formën e denigrimit, stereotipizimit dhe stigmatizimit.” Prezantimin e këtij projekti dhe zhvillimin e dikutimit e mbajti Z. Robert Gajda përfaqësues i Komisionerit për Mbrojtjen nga Diskriminimi. Qëllimi i këtij diskutimi me studentët ishte përfshirja dhe ndërgjegjësimi I tyre në cështjen e gjuhës së urrejtjes. U folën për raste të ndryshme të cilat janë shfaqur në ekranet e televizioneve shqiptare ku ka patur gjuhë të urrejtjes nga opinionistë dhe personazhe të televizionit. U vendos më tepër fokusi te gjuha e urrejtjes me sfond fetar dhe u dha dhe një shembull rreth këtij fenomeni që ndodh në vendin tonë. Diskutimi vijoi më tej me mënyrën e parandalimit apo ndërgjegjësimit të mediave në lidhje me këtë cështje. Duke treguar kështu edhe rëndësinë që ka media dhe gazetarët në parandalimin e këtij fenomeni duke mos diferencuar asnjë pjesë të shoqërisë pavarësisht besimit, etnicitetit apo zgjedhjeve personale. Në këtë diskutim pati mjaft interaktivitet mes studentëve të drejtësisë dhe atyre të komunikimit në ndërlidhjen se si duhet të veprohet si nga ana ligjore ashtu edhe nga ana e mediave. Në fund të diskutimit Z. Robert u kërkoi stusdentëve që nëse do të haseshin me të tilla raste ku përdoret gjuha e urrejtjes të kontaktonin menjëherë tek Komisioneri për Mbrojtjen nga Diskriminimi për tu ndjekur më tej.

Seminar: Përpilimi dhe hartimi i akteve ligjore

Departamenti i Drejtësisë dhe Klinika e Ligjit “Bedër” organizuan seminarin e hapur me temë: “Përpilimi dhe hartimi i akteve ligjore”, i mbajtur nga z. Arianit Qinami, avokat dhe koordinator i Fakultetit të Shkencave Humane dhe Drejtësisë. Në seminar u diskutua rreth parimeve themelore të hartimit të akteve ligjore, etapat dhe teknikat që duhet të ndiqen, si dhe struktura e ligjeve. Ndër të tjera u theksua parimi se legjislacioni duhet të jetë konseguent, i qartë dhe të ketë rrjedhë logjike. “Zbatimi i teknikave uniforme të hartimit të akteve ligjore të cilat përmbajnë udhëzime të qarta, konseguente dhe të parashikueshme për strukturën dhe shprehjen e legjislacionit është tejet i rëndësishëm në hartimin akteve ligjore”, theksoi para studentëve të drejtësisë z. Qinami. Gjithashtu ai vuri theksin se njohja e mirë dhe me baza e gjuhës shqipe është një faktor tepër i rëndësishëm në hartimin e akteve ligjore.

Seminar: “Ndihma ligjore falas në Shqipëri: Roli dhe Kontributi i Klinikave Ligjore”

Departamenti i Drejtësisë në bashkëpunim me Klinikën Ligjore “Bedër” organizuan një seminar të hapur, ku e ftuar ishte znj. Patricia Pogaçe, drejtoreshë e Drejtorisë së Zbatimit të Politikave dhe Administrimit të Ndihmës Juridike Parësore pranë Ministrisë së Drejtësisë. Znj. Pogaçe trajtoi temën "Ndihma ligjore falas në Shqipëri: Roli dhe Kontributi i Klinikave Ligjore". Ajo fillimisht analizoi legjislacionin në fuqi që rregullon ndihmën juridike falas, duke u shpjeguar studentëve ndihmën ligjore parësore dhe dytësore, diferencat mes tyre dhe subjektet që përfitojnë nga kjo lloj ndihme. Më pas, dha informacion mbi të gjitha subjektet që ofrojnë ndihmën juridike falas në Shqipëri, duke përfshirë qendrat, organizatat jofitimprurëse, si dhe universitetet. Lidhur me këtë, ajo falenderoi edhe Departamentin e Drejtësisë në Kolegjin Universitar Bedër për themelimin e Klinikës Ligjore, duke theksuar rëndësinë e shërbimit në komunitet nëpërmjet ofrimit të ndihmës juridike falas. Në përfundim Znj. Pogaçe nxiti studentët që të jenë sa më të angazhuar pranë kësaj klinike, pasi kjo do t’i ndihmonte në aftësimin praktik. Biseda vijoi me pyetjet e studentëve, të cilët shfaqën interes të veçantë rreth temës.

Seminar: “Partneriteti publik-privat në sektorin e shëndetësisë”

Departamenti i Drejtësisë në bashkëpunim me Albanian Institutes for Research organizuan leksionin e hapur me temë: "Partneriteti publik-privat në sektorin e shëndetësisë", ku e ftuar ishte Dr. Besa Ombashi. Fillimisht Dr. Ombashi analizoi të gjithë bazën ligjore të partneritetit publik-privat, ku u ndal edhe tek autoritetet kryesore të përfshira në rregullimin e këtij instituti duke shpjeguar rolin e tyre. Më pas, vazhdoi me shqyrtimin e situatës së PPP-ve në Shqipëri, ku përmendi të gjitha institucionet të cilat kanë lidhur kontrata me subjekte private për ofrimin e shërbimeve të caktuara. Prezantimi u fokusua kryesisht tek partneritetet publike-private në fushën e shëndetësisë, ku bëri një analizë të detajuar të procedurave përkatëse që janë ndjekur, duke theksuar edhe disa elementë të këtyre kontratave që kanë një impakt shumë të madh në publik. Në përfundim, Dr. Ombashi dha disa rekomandime të cilat ndihmojnë në trajtimin e problematikave të lindura në këtë fushë dhe kontribojnë në zhvillimin dhe mirëfunksionimin e partneritetit publik-privat në Shqipëri. Biseda vijoi me pyetjet e studentëve, të cilët shfaqën interes të vecantë rreth temës.

“Ecuria e ekonomisë shqiptare për periudhën 2015-2020”

Departamenti i Ekonomisë dhe Biznesit në Kolegjin Universitar Bedër organizon Workshop-in Online me temë: “Ecuria e ekonomisë shqiptare për periudhën 2015-2020”. Disa nga temat që do të diskutohen në këtë workshop janë: • Ecuria e borxhit të jashtëm gjatë këtyre 5 viteve; • Si kanë ndikuar PPP në ekonominë shqiptare dhe në rritjen e borxhit? • Cila ka qenë efiçenca e menaxhimit të PPP? Referues do të jenë: • Dr. Ndriçim Ciroka - Përgjegjës i Departamentit të Ekonomisë dhe Biznesit, Bedër; • Prof. Asoc. Dr. Tidita Abdurrahmani - Dekane e Fakultetit të Teknologjisë dhe Biznesit, Bedër; • Eduina Maksuti – Lektore pranë Departamentit të Ekonomisë dhe Biznesit, Bedër; • Irina Canco – Lektore në Universitetin Europian të Tiranës; • Uran Derri - Specialist ekonomie dhe finance; • Bledar Striniqi - Pedagog finance në Universitetin “Luigj Gurakuqi”, Shkodër. Datë: 04 shkurt 2021 Ora: 11:00 Takimi do të zhvillohet nëpërmjet platformës ZOOM.

A duhet të mësohet patriotizmi në shkollë?

Departamenti i Edukimit dhe Gjuhës Angleze në Kolegjin Universitar Bedër, më datë 29 janar 2021, ora 15.00, organizon leksionin online me temë: A duhet të mësohet patriotizmi në shkollë? I ftuar është As. Prof. Dr. Ksenafo Akulli, Profesor në fushën e edukimit në Universitetin Franklin në Ohio, USA Ky aktivitet organizohet nga përgjegjësja e departamentit të Edukimit dhe Gjuhës Angleze, Dr. Ana Uka, ku do të marrin pjesë studentë të këtij departamenti. Aktiviteti organizohet nëpërmjet aplikacionit ZOOM. Link: https://zoom.us/j/96549897690?pwd=SUNpakdySUxIcHR1SXlGcXI1cG9YQT09